صنع الله إبراهيم : «ألا يحتاج الأمر إلى بعض القباحة للتعبير عن القباحة المرتبطة في ضرب إنسان أعزلٍ حتى الموت ; أو بوضع آلة نفخ الهواء في مؤخرته وبربط السلك الكهربائي بأعضائه التناسلية ؟».

ما عادش حشمة في هالبلاد، زعبع رئيس الجملوكية يطز ويشوط كيما يحب في مجلس الدواب متاعو والناس حالة كشخها مبقرة في الإنتاج والإنتاجية، يقول القائل ما هو على الأقل عريضة منا ومقال من غادي ومسيرة سلمية وشوية استنكار على تشيشة شجب وتنديد... والو... لا شيء يذكر ولا قديم يعاد، الناس فدت من السياسة ومالمعارضة ومن قنال 7 ومن الوقت النياك... كي تجي تشوف عندهم حق، آش فايدتو الواحد ينبح النهار وطولو كي الكلب والشعب التونسي متاع وذني راقد حلفة، لا في علمو ولا في دراه ومسيّب الماء عالبطيخ وحتى على القرع بوطزينة !!! ما عندناش مساجين سياسيين، ما عندناش مشات معاك، تونس بخير، بخير ونص وخير من السويد ويوخوسلافيا، المعارضة متاعنا عميلة للخارج، عميلة وبيوعة ونص، توه هذا حديث !! بن علي بطل متاع ديمقراطية وحقوق إنسان وحيوان، الزين موش بطل بركه آما زادة منقذ البلاد والعباد وحامي الحمى والدين... و إجبد شطراف أعطيه بالكلوخ والبص والتكركير.
عام 2001 كتبت اللّي الرُجلة هزتها الحجلة آما يظهرلي في 2004، الحجلة هزت كل شيء موش الرجولية بركه... ملا رهوط وملا فصايل هالتوانسة ما يحشموش على رواحهم كيف محمد الصغير أولاد حمد يقوللهم : «معدل عمر التونسي والتونسية رئيسين وثلاثة أشهر» وإلا كيف يقوللهم الطاهر الهمامي : «يا أمة ضحكت من جبنها الأمم، يخيفها الحبر والقرطاس والقلم...» زعمه هالطحانة التوانسة عندهم المليارات والعقارات بالزبل يخرى عليها فوكس وخايفين لا يضيعوهم كان يقولوا الحق ويوقفوا الدكتاتور عند حدو ؟ تي ماهو دين والديهم الكلب يشهقوا ما يلحقوا جواعة عراية وما يخمموا كان في "قوزيني يا مّا الخميس القاي" والدار في الطابق العاشر والسيارة الشعبية ووقتاش يسهل ربي ويفرّخوا كي الأرانب ويعبيولنا البلاد بالجبناء والقوادة والمواطنين نص لباس.
الغريبة موش الشعب برك هاردلها دين أمها آما برشة قوادة وعطاية يسميو في رواحهم معارضين والنهار وطولو وهوما شاديين نفس المستوج : «المعارضة ليس لها برامج ومنفصلة عن الشعب...» آما شعب متاع آش يقول فمي يا ولاد القحبة ؟ شادين الدفاء في ديارك في الخارج وأخطى راسي وأضرب وتحبوا الشعب يصلحلكم البلاد ! ما فالحين كان في النميمة والتقطيع والترييش والراجل فيكم ما ينجمش يحل رب جلغتو هنا تونس، علاش التبقبيق والكذب في الفارغ تي ما هو روحوا لتونس وذراعك يا علاف خليونا نشوفوا السجاعة والجرأة متاعكم !!! وبالحرام 90 في الميا منهم حرام فيه اللجوء السياسي اللي عندو، حقهم عطاووهم اللجوء الغذائي والجاهلي خير، وفي عوض الإقامة الجبرية يمدولهم إقامة الجبورة والغفاصة والأزكام... وإلا قول إرتحنا منهم كي خرجوا يعيشوا البره بأنقص طحانة هنا.
نرجعوا للشعب متاع الخراء، آش دخل جد بوه في ترسيخ الديمقراطية وحقوق الانسان ؟ آش يفهم من دين أمها وهو موش لاقي لا خديمة ولا قديمة ومستعد باش يبيع أمو وأختو بمياة فرنك باش يكوّن مستقبلو... الناس بشهائد جامعية تحرق لايطاليا وحتى دزاير والمروك وتبيع في الغبرة وتقحب وتوبّن في الحمامات وجربة... والعفاطة يقولونا الشعب يحب هكه وما يحبش هكاكه ومتمسك بعروبتو وإسلامو وهات من هاك اللاوي !!! الشعب يا بهايم يا هوكش داخل في الربح وخارج من الخسارة، كي الحنش يجري كان على كرشو وشطرو اللوطاني، وما دام بن علي متاع نمي يبيعلوا في الباقات مدعومة وبشطر حقها ومشبعلو كرشو، ما عندو ما يعمل ويخرا فيه بالعربي. الشعب اللي معملين عليه قراه وكونوا البيّوع بورقيبة ومن سابع المستحيلات يتقلب بين ليلة ونهار وتولي عندو كرامة وعزة نفس...
شيء يتيقر ويفدد ويطلع القاز كيف جماعة شعبويين يلعبوا على العواطف والمبادئ والانتماء العربي الإسلامي ولاو عندهم تأثير على بعض الشباب المتعلم اللي يمثل خيرة النخبة التونسية وخاصة على شبكة الإنترنت، بجاه ربي شكون ينجم يفهمني هاك الصباب صالح كركر مثلا، من وقتاش ولى يفهم في الديمقراطية وحقوق الإنسان، نتذكر عام 2001 أنا جبتو للفوروم باش نشيخوا عليه ونقردوه ونفضحوا البهايم اللي كيفو باش ما عادش يطلع واحد يشبهلو في تونس يقول : «أنا إسلامي لائكي»، وإذا بيا نخرج من الحبس نلقى القواد والصباب متاع الحاكم في تونس وفرانسا ولى عندو ناس تسمع فيه وتقرالو زادة... سبحانو مبدل الأحوال... تكركيرتي ولى مناضل وعندو ما يقول في روحو !!! «يا صالح يا تكركيرتي باش تزكّم الجيل الصاعد ولا شنوّة ؟ نسيت كيف كركرت الآلاف وراك للحبس وهربت لباريس، موش عيب عليك ناس تعدمت رميا بالرصاص وبخيوط السباولي في جرتك وميات العائلات تشردت وراحت فيها وانتي متخبي كي الفكرون في حجر صاحبك باسكوا ؟ توه هاذي رُجلة وانتي راكشلي في أوتيل متاع قحاب بحذه زملائك بوليسية وسرطية فرانسا وسفارة تونس النهار وطولو تنيكوا في الحالة وحدكم !!! لعنة الله عليك وعلى الجبناء اللي كيفك وكانك راجل إيجى لتونس ورينا رجوليتك يا خواف يا كلب يا جبان...»
أسمعوني مليح راني نحمل ونعدي مدة طويلة ونطفي في الضو على برشه عطاية تتجلطم كيما هالخرا كركر ودرابلو وباكو الخضراء بلاش فيلتر متاعهم، ولا حاجتي بوجيعة راس وقلق ولا تضييع وقت وفلوس، آما وراس بابا لا نرشفها لواحد كي يبدا شكون. هيا باي باي عليكم ولاد بلادي الباهيين توه... لا نخاف لا من الموت ولا من الحبس واللي عندو ريح يذري عشرة رئيسا وحكومة وشعبا وأشباه معارضين.